Teiknekurs 2. Demonstrasjonsbilde.Er du glad i å teikna, er dette kurset midt i blinken!
Kurset passar både for nybegynnarar og for deg som kan teikna frå før.
Her får du kjenna på teikneglede og kreativitet i kombinasjon med teknikkar og ferdigheiter som utviklar deg som teiknar.
Eit kjekt og lærerikt kurs for deg som har lyst å læra grunnleggande teknikkar både med blyantar, fargar og penn. Me jobbar med å få fram ulike effektar i eit motiv, som til dømes skyggelegging, kontrastar og dimensjonar.
Me jobbar med ulike former, storleik og proporsjonar, plassering/komposisjon og overflate/struktur. Samt at me finn det me er sterke på, som kan gi kunstverket eit personleg “touch”.
Du vil få individuell rettleiing og god tid til å øva på ferdigheitene gjennom oppgåvene som blir gitt i løpet av kurset.
Type:
Gruppeundervisning. Maks. 8 pr. gruppe.
Stad:
Bokn kulturskule/Bokn skule.
Tidspunkt:
Kurset vil gå føre seg onsdagar og vil vare i 60 minutt i tidsrommet 13:00-17:00.
Varigheit:
8 ettermiddagar.
Kurset går over eitt semester, men er i staden for økter på 30 minutt, komprimert til 8 gonger á 60 minutt.
Kursdatoar:
September:
Onsdag 11. september
Onsdag 18. september
Onsdag 25. september
Oktober:
Onsdag 2. oktober
Onsdag 16. oktober
Onsdag 23. oktober
Onsdag 30. oktober
November:
Onsdag 6. november
Me lagar ei utstilling av kunstverka frå kurset ved avslutning av haustsemesteret, i eit felles prosjekt for heile kulturskulen.
Kulturskulen sine elevarrangement, konsertar og aktivitetar er ein del av undervisningstilbodet, og det er forventa at elevane deltek på desse som utøvar og/eller publikum.
Materiell:
Du må sjølv kjøpa materiell til første undervisningstime.
Kulturskulen held fargeblyantar. Øvrig materiell er ikkje inkludert i kursavgifta.
Kulturskulen er behjelpeleg dersom du treng tips til kor du kan få tak i materiell.
Du må ha:
- Teikneblokk A3.
- Skisseblokk A4.
- Blyantar: HB, 2B, 4B og 6B.
- Svart filtpenn.
- Viskelær.
Eigenandel/kursavgift:
Kr 1 084.
Påmelding til kurset er bindande.
Du får svar om du har fått plass kort tid etter påmeldingsfristen.
Det er 30 % søskenmoderasjon på rimelegaste aktivitet og/eller 30 % moderasjon på rimelegaste aktivitet dersom same elev deltek på fleire kurs/aktivitetar.
Kurset blir fakturert saman med utsending av faktura for aktivitet i kulturskulen hausten 2024.
Kurset blir avhalde dersom nok påmelde.
Instruktør:
Hibbi Mannes
Søk her