Ordførar Egil Våge oppfordrar alle til å bidra til eit reinare Bokn i Strandryddeveka 2024!
Jardar Havikbotn
Evaluering av fjorårets strandryddedag samt strandryddeerfaringar sidan 2017, har resultert i at me nå går over til å ha strandryddeveker i kommunen.
Eigne ryddeaksjonar
Privatpersonar, lag og organisasjonar, lokalt næringsliv hyttefolk, skule og barnehage, m.m. arrangerer sine eigne ryddeaksjonar - gjerne på denne tida, eller på andre sida av sommarferien.
Ei lita gruppe frå familiespeidaren var nyleg og rydda strender i Steinsvikane på Are. Bokn Høyre hadde ein rydderunde “Rundt Nullen” for 1 mnd. sidan. Dei har også planar om å arrangera ein strandryddedag, og oppfordrar dei andre politiske partia i kommunen til å gjera det same.
Aksjonsregistrering
Det har også kome rapportar om private som tidlegare i vår har gjort ein innsats for eit reinare Bokn. Å få registrert ryddeaksjonane er viktig, slik at me får ei statusoversikt over den lange strandsona i kommunen. Du kan enkelt registrera ryddebragden sjølv på ryddenorge.no, eller melda inn til kulturkontoret, tlf. 98 22 15 08.
Bli med!
Ei lita gruppe frå familiespeidaren var nyleg og rydda strender i Steinsvikane på Are.
Merete Alvestad
Me er glade for at Skanska og Bokn fiskarlag også i år er med på prosjektet. I løpet av neste veke vil Skanska ha ein aksjon i Skottehamn. Bokn fiskarlag vil ta for seg Sandvika og strekninga sør til Oksebåsen.
Ordførar Egil Våge oppfordrar alle til å bidra til eit reinare Bokn i Strandryddeveka 2024! Alt utstyr får du på Boknatun.
Registrerte deltakarar er med i trekninga av ekslusive strandrydde-Tskjorter og buffs.
Avfallshandtering
I samband med strandryddeveka vil det bli containerar på Tåganes, Alvestadkroken og Føresvik. Mange nyttar seg også av storsekkar i strandsona, som i etterkant av strandryddeveka blir henta av Friluftsrådet Vest. Me har også andre gode måtar å kvitta seg med det marine avfallet, ta kontakt med kulturkontoret.
Hekkande fugl
Bokn kommune minner alle ryddarar om å halda seg unna område med hekkande fugl under strandrydding om våren.
Me har tre verneområde i Bokn, der ilandstiging og ferdsel er forbode i tida 15. april til 1. august. Elles i året skal ferdselen gå føre seg slik at dyre- og plantelivet blir minst mogleg uroa eller skadd.
Dette er:
- Nautøy, Longholmen og Bukkholmen naturreservat
- Brennevinsskjeret naturreservat
- Gåsholmen og Årvikholmen naturreservat
Meir informasjon om hekkande fugl