Kva slags politisk bakgrunn har du?
Eg har vore med i Senterpartiet i rundt 20 år. Medlem i Kommunestyret i to periodar.
Har vore styremedlem i diverse organisasjonar, Sp, Bondelaget, Austre Bokn Bygdalag.
Kvifor bør du bli ordførar i Bokn til hausten?
Fordi eg vil gjera ein god jobb for kommunen og innbyggarane. Eg er opptatt av at Bokn skal vera ein god plass å bu og driva næring, med gode kommunale tenester og eit rikt kulturliv.
Er flink til å finna løysingar, sjå moglegheiter heller enn problem. Eg har ein variert bakgrunn, jobba som ingeniør og bonde, i Noreg og utlandet. Var med og starta Bokn Bygdeservice, har drive gard og vore medeigar i restaurant og catering.
Kva er dei viktigaste sakene for deg i kommande periode, og kvifor?
- Sørga for gode kommunale tenester til innbyggarane. Det er viktig både for dei som bur her og for at fleire skal velja og flytta til Bokn.
- Bidra til at det blir fleire arbeidsplassar/næringsutvikling. I tillegg til å sørga for gode vilkår for dei næringar me har her, må me også vera opne for nye moglegheiter: Turisme, service, digitale tenester, fjernarbeid.
- Arbeida for ein jevn auke i folketalet, spesielt barnefamiliar, det er viktig både økonomisk og for å sikra aktivitet i kultur og idrett. Her må me sørga for at det er eit variert utval av tomter og bustader tilgjengelege for dei som ønsker å busetta seg på Bokn.
- Sørga for at Bokn kan fortsetta som eigen kommune så lenge innbyggarane ønsker det.
Kva er dei viktigaste investeringane for kommunen dei kommande åra?
- Bygga ny skule.
- Vidare utbygging av veg og vatn der det trengst.
- Bidra til å oppretta fleire arbeidsplassar.
- Investera i dei tilsette, det er den viktigaste ressursen kommunen har.
Kva er dei viktigaste utfordringane for Bokn framover?
- Økonomi: Det vil muligens bli innstrammingar for småkommunar, så me må driva effektivt.
- Kvalitet på tenester: Her må me sjå på samarbeid med andre kommunar og kjøp av tenester det er vanskelig å kunna levera på eiga hand.
- Folketal: Me bør bli litt fleire, spesielt barnefamiliar, for å kunna oppretthalda gode tenester og aktivitet i kommunen.
- Arbeidsplassar: Me bør få fleire arbeidsplassar, både firma og sjølvstendig næringsdrivande. Her kan kommunen hjelpa til med regulering og tilrettelegging av næringsområde.
Kva for eit/kva for nokre parti er naturleg å samarbeida med etter valet? Kvifor?
Me i Sp samarbeider greit med alle. I ein liten kommune som Bokn er det viktig at ein kan samarbeida på tvers av partilinjene for å finna gode løysingar.
Bokn Sp sitt valprogram 2019 (PDF, 299 kB)
Sigmund Alvestad, Bokn KrF svarar
Lene Ognøy Foss, Bokn H svarar
Kyrre Lindanger, Bokn Ap svarar