Aron Strøm alias Ariel Silks i aksjon.
Anne Tove Øvrebø
Åttandeklassingen Aron Strøm alias Ariel Silks slo til med eit sirkusnummer, medan Runar Alvestad (10. kl.) spelte piano (flygel).
Kjekk oppleving!
Aron Strøm syntest det var kjekt og var veldig fornøgd etterpå. Han seier at han kunne tenka seg å gjera det igjen. Fagjuryen var imponert over at 13-åringen er sjølvlært, og kalla det heile eit kult opptrinn med ein sprek, sterk og leiken utøvar - og gøyal bruk av musikk og lys.
Runar Alvestad, som har vore med i fleire år tidlegare, var også godt fornøgd med innsatsen sin. Her var fagjuryen imponert over at han spelte alt utan noter, og hadde ein fin flyt og god puls i ei flott framføring.
Runar Alvestad er med vidare til fylkesfestivalen på Sola 5. - 7. april - lykke til!
Runar Alvestad framfører ein mashup (samanblanding) av Winter Wonderland og The Pink Panther Theme.
Anne Tove Øvrebø
Ung Kultur Møtes er eit offentleg kulturtiltak for ungdom mellom 13 og 20 år, og foregår kvart år over heile landet.