Planområdet går fram av vedlagt varslingskart.
Varslingskart (PDF, 194 kB)
Planprogram Gamle Holmen (PDF, 2 MB)
Området er i arealdelen til kommuneplan for Bokn 2024-2036 i hovudsak sett av til kombinert
formål bustad/forretning/kontor, men også område for samferdsleanlegg (kaiareal), naust og
bustadformål. Sjøarealet innanfor planområdet er avsett til småbåthamn i vest og friluftsområde
i aust. Området er omfatta av omsynssone H910 som betyr at vedtekne reguleringsplanar gjeld.
Formålet med planarbeidet er å leggje til rette for ei heilskapleg og attraktiv utvikling av
sentrumsområdet i Føresvik, med ei blanding av bustadar, handel, kontor og tenesteyting. Planen
skal også fastsette rammer for grøntstruktur, leikeareal og veganlegg. Tilkomst til området er via
fylkesveg 4762 - Føresvikvegen.
Planarbeidet vil utløyse krav til konsekvensutgreiing (KU), då tiltaka planen skal legge til rette for
er rekna for å vere eit utviklingsprosjekt omfatta av punkt 10 b) i vedlegg II i Forskrift om
konsekvensutredninger. Det er utarbeida planprogram med meir informasjon, som ligg vedlagt
dette varslingsbrevet.
Det aktuelle planområdet.
Omega 365 Areal AS
Området har ei sentral plassering i bygda, og vi vil gjerne ha med innbyggarar og andre
interesserte tidleg i prosessen. Det vil bli halde eit ope informasjonsmøte der ein vil få nærare
informasjon, og får moglegheit til å vere med å påverke utforminga av området. Tidspunkt for
møte vil bli kunngjort seinare.
For nærmare informasjon kan du kontakte Omega 365 Areal AS på telefon 975 40 000.
Eventuelle merknadar/innspel til oppstart av planarbeidet kan sendast til
Omega 365 Areal AS, Kvassanesvegen 4, 5582 Ølensvåg eller via e-post areal@omega.no
innan 08.10.2025.
Etter meldingsfristens utløp vert sjølve planforslaget utarbeidd og sendt inn til kommunen.
Etter 1. gangs handsaming vert planforslaget lagt ut til offentleg ettersyn. Det vil då vere høve til
å komme med eventuelle merknadar, innspel og motsegn til planforslaget før endeleg
handsaming av planen.
Meir informasjon
Meir informasjon med stadanalyse og moglegheitsstudie for Føresvik finn du under “Plandokumenter” i kommunen sin arealplanoversikt:
Gamle Holmen
Moglegheitsstudien er også ein del av heftet “Føresvik i framtida”, som blei delt ut til alle husstandar i Bokn tidlegare i veka.