Slagverkundervisning. Demonstrasjonsbilde.Lær å spela slagverk
Her vil du få den opplæringa du treng for å kunne bli ein god trommeslagar!
Dette er plassen for deg, anten du er nybegynnar eller vidarekomen.
Tilpassa undervisning etter nivå og ønske. Opplæring i god trommeteknikk, trommenotar, koordinasjon, puls/timing, grooves, fills, improvisasjon, musikalitet og musikk- og sjangerforståing.
Du vil få ei variert og utviklande undervinsing,- gjerne i samspel med instruktøren din.
Undervisning i slagverk vil også gi moglegheit for samspel i slagverkgrupper eller andre andre samspelsamansettingar.
Det er viktig at du har trommesett å øva på heime.
Trommesett finst i fleire variantar og storleikar. Kulturskulen er gjerne behjelpeleg med råd og veileiing i forhold til innkjøp av passande instrument.
Stad, dag og tidspunkt:
- Stad: Kulturskulen.
- Onsdagar (og måndagar v/behov) i tidsrommet (12:10)/15:30 - 20:30.
Individuell undervisning, 20 minutt leksjonar pr. veke.
Kulturskulen sine elevarrangement, konsertar og aktivitetar er ein del av undervisningstilbodet, og det er forventa at elevane deltek på desse som utøvar og/eller publikum.
Eigenandel/pris pr. semester:
Kr 1 353.
Nødvendig undervisningsmateriell som t.d. trommestikker og notebøker kjem evt. i tillegg til semesteravgifta og vil i tilfelle bli lagt til på same faktura som semesteravgifta.
Påmeldinga er bindande for eitt år om gongen. Ønsker du ikkje å halda fram undervisninga til våren, må utmelding skje skriftleg innan 1. november det pågåande skuleåret.
Påmelding:
Du får svar om du har fått plass kort tid etter søknadsfristen. Dersom du har fått plass, vil du motta e-post med nærare informasjon og nøyaktig tidspunkt for timen.
Det er 30 % søskenmoderasjon på rimelegaste aktivitet, eller 30 % moderasjon på rimelegaste aktivitet dersom same elev deltek på fleire kurs/aktivitetar.
Avgrensa med plassar, så ver raskt ute.
Søk her