Bassundervisning. Demonstrasjonsbilde.Lær å spela bass
Her vil du få den opplæringa du treng for å kunne bli ein god bassist!
Opplæring i tabulatur og besifring, koordinasjon, rytme/puls/timing, grooves, riff, improvisasjon, musikalitet og musikk- og sjangerforståing.
Dette er plassen for deg, anten du er nybegynnar eller vidarekomen.
Tilpassa og utviklande undervisning etter nivå og ønske - i samspel med instruktøren.
Undervisning i bass vil også gi moglegheit for samspel i andre samspelsamansettingar.
Du må ha eigen bass å øva på heime. Bass finst i storleiken ¾ skala og 4/4 og det er viktig at ein har eit instrumentet som passar til eigen kroppsstorleik. Kulturskulen er gjerne behjelpeleg med råd og veileiing i høve til innkjøp av passande instrument.
Stad, dag og tidspunkt:
- Stad: Kulturskulen.
- Torsdagar mellom kl. 14:30 og 19:00.
Individuell undervisning, 20 minutt leksjonar pr. veke.
Kulturskulen sine elevarrangement, konsertar og aktivitetar er ein del av undervisningstilbodet, og det er forventa at elevane deltek på desse som utøvar og/eller publikum.
Eigenandel/pris pr. semester:
Kr 1 353.
Nødvendig undervisningsmateriell som t.d. notebøker kjem evt. i tillegg til semesteravgifta og vil i tilfelle bli lagt til på same faktura som semesteravgifta.
Påmeldinga er bindande for eitt år om gongen. Ønsker du ikkje å halda fram undervisninga til våren, må utmelding skje skriftleg innan 1. november det pågåande skuleåret.
Påmelding:
Du får svar om du har fått plass kort tid etter søknadsfristen. Dersom du har fått plass, vil du motta e-post med nærare informasjon og nøyaktig tidspunkt for timen.
Det er 30 % søskenmoderasjon på rimelegaste aktivitet, eller 30 % moderasjon på rimelegaste aktivitet dersom same elev deltek på fleire kurs/aktivitetar.
Søk her