Kolonnetider skal koordinerast med fergetider, med minst mogleg venting. Det må tilretteleggast for minst mogleg ventetid for utrykningskøyretøy, vinterdrift og kollektivtransport. Ved sprengnings- eller sprutbetongsarbeid vil det kunne vera behov for stenging i opptil 3 timar.
Dette fortel Rolf Helge Hjelmtvedt ved Prosjektavdelinga, Tunelloppgradering Region vest i Statens vegvesen.
Omfattande
Mesta AS skal utføra arbeidet, som inneber oppgradering av elektriske og styringstekniske installasjonar, anlegg- og byggeteknikk samt trafikkavvikling. Noko av arbeidet som skal gjerast er fylgjande:
| Nytt teknisk bygg i sør med havarilomme. |
| Rehabilitering av eksisterande teknisk bygg i nord. |
| Eksisterande PE-skum skal rivast og fjelloverflata skal reinskast og sikrast. |
| Utviding av tunellprofilet med pigging der tunellprofilet er for lite. |
| Tunellprofilet skal sikrast med sprøytebetong. |
| Det skal byggast ein føringskant. Bak føringskanten skal det leggast nødvendige kablar og trekkerøyr. Til dømes går det med ca. 14 000 m med trekkerøyr og ca. 20 000 m med elkraft- og fiberkablar. |
| Nytt veglysanlegg. |
| To nye bommar ved tunnelportalane. |
| Fire nødstasjonar i tunellen og to nye ved tunellportalane. |
| På føringskanten skal det monterast ein samanhengande ledelys-list som skal visa evakueringsveg ved ulykke/brann. |
| Nytt asfaltdekke. |
| Det vil bli montert manuell trykknapp på kvar side av tunellen for varsling for syklistar gjennom tunellen. |
EU-direktiv
Bakgrunnen for at E39 Håklepptunnelen må oppgraderast er eit EU-direktiv som gjeld det såkalla TEN-T vegnettet i Europa (dei viktigaste europavegane), og for Rogaland er E39 ein del av dette vegnettet.
Oppgraderingene skal sikra at tunellane tilfredsstiller nye og strengare krav til tryggleik i tunellane.