Estetikk og plassering for det 25,4 m lange og 144 m2 store bygget kan sikkert diskuterast. Huset inneheld alt av elektronikk og styring for det nye tryggleiksutstyret som blir montert i og utanfor tunellen.
Seks rom
Asbjørn Andås i Statens vegvesen fortel at bygningen inneheld seks rom:
- Trafostasjon frå Haugaland kraft
- Lågspentrom
- Naudstraumsrom
- Batterirom
- Radio/kommunikasjonsrom
- Mobilrom
Opparbeida uteområde
- Terrenget rundt bygget på vegsida ligg lågt i dag og skal opparbeidast til underkant dørutsparing. Bygget vil då sitta betre og ikkje vera like dominerande for bilistane, seier Asbjørn Andås .
Skisse, teknisk bygg med havarilomme.
Statens vegvesen
På vestsida av huset er det ein natursteinsmur, som ikkje er lett å få auge på viss ein er langt unna. Oppå murkanten kjem det eit flettverksgjerde. Jordmassane som ligg rundt skal leggast fint ut og det skal såast nytt gras.
I infoen frå før arbeidet blei sett i gong, blei det nemnt ei havarilomme i samband med det tekniske bygget. Denne stopplomma skal etablerast på framsida av bygningen og vil følga vegbanen i 90 meter lengde. Nytt autovern kjem også langs havarilomma på begge sider og skal avsluttast mot flettverksgjerdet, seier Asbjørn Andås.