Kulturskuleinnslag: frå venstre Adelin Øvrebø, Wanda Are, kulturskulerektor Anne Tove Øvrebø og kulturskulelærar Venevil Birkelund.
Lillian Grønnestad
I år som i fjor blei det musikalsk innslag frå kulturskulen før møtet blei sett. Flinke elevar og lærarar frå kulturskulen song og spelte for oss. Det fekk me også sett 10. des. då kulturskulen hadde julekonsert. Kulturskulen leverer og det er viktig for kulturlivet på Bokn.
Budsjett 2006
Budsjett er ei stor og viktig sak som det alltid er knytt stor spenning til. Derfor var det kjekt at Budsjett 2026 og økonomiplan 2026 – 2029 blei samrøystes vedteke med 6 tilleggspunkt, som var eit fellesforslag frå alle partia.
Tilleggpunkta:
1.Sak: Overvatn Øyren Det settes av kr 100 000,- til dette, og sum vert endra frå kr 500 000,- til kr 100 000,- i investeringsplan.
2. Ber om sak til kommunestyret ang bruk/riving/sal av Kyrkjebygd og gamle brannstasjonen. Kostnad kr 500 000,- i langsiktig investeringsplan flyttes til 2028.
3. Riving Føresvikvegen 3, kostnad kr 300 000,- i langsiktig investeringsplan flyttes til 2027.
4. Det vert sett av 1,5 mill kr til rehabilitering av kommunale kaiar og vegar. Beløpet vert finansiert med kr 750 000 frå auka rammeoverføringar og kr 750 000 frå redusert overføring til disposisjonsfond. Netto driftsresultat blir då redusert til 1,49%.
5. Næringsfondet aukes til 1 mill kr. beløpet vert tatt frå disposisjonsfondet.
6. Ber om sak til kommunestyret på oppgradering uteområdet skulen.
Eg oppfordrar til å gå inn å lese både budsjett 2026 og møteprotokollen frå siste kommunestyremøte.
Budsjett 2026 og økonomiplan 2026 – 2029 (PDF, 2 MB)
Gebyrregulativ 2026 (PDF, 204 kB)
Den nye brannstasjonen i Knarholmen pr. 19.12.25.
Jardar Havikbotn
- Økonomien i kommunen er god, og det er viktig å ha god styring når ein veit at det er store investeringar som kjem i tida framover.
- Utfyllinga i Føresvik er snart ferdig og klar for å heve kotehøgda på utfyllinga.
- Føresvikvegen frå Bokn Arena og ned til krysset Føresvikvegen/Stabburvegen har pga. kostnadsauke fått auka ramma frå Haugalandspakken og kan gjennomførast etter planen.
- Bygging av ny brannstasjon er godt i gong. Ein reknar med tett bygg i løpet av januar, og ferdig brannstasjon før sommaren.
Velkommen til nyttårsmottaking
Stor takk til politikarar og administrasjon for eit godt samarbeid, både rundt budsjettarbeidet og andre politiske saker gjennom året.
Eg ønsker alle ei god jul og ei fredeleg romjul - og velkommen til nyttårsmottaking sundag 11. januar 2026 kl. 15 i auditoriet på Bokn skule!