Ny el-vogn på tur til Kongsbu.
Gina Alvestad
Det var sju barn og tre tilsette frå Småtroll-avdelinga som gjekk til dagsturhytta den første fredagen i oktober.
Pedagogisk leiar for avdelinga, Gina Alvestad, fortel at den nye elektriske vogna deira har plass til seks barn, difor bytta dei eldste barna på å sitja på og gå sjølve.
-Me hadde niste og kakao med oss, og me naut eit godt måltid under høgtlesing inne i Kongsbu, seier ho.
Stor nytte
Barnehagen sin nye elektriske vogn er til stor nytte for dei tilsette i barnehagen.
-Me avlastar både armar og skuldre, og for barna sin del, gjer den nye vogna at dei yngste kjem seg lenger på tur, seier Gina Alvestad - og legg til at det nå er enklare å utvida barnas kjennskap til nærområdet.
-Nå kan me nytta vogna både til Kongsbu, på naturstien, i Trollskogen - og kanskje til og med Boknafjellet, avsluttar ein svært fornøgd pedagogisk leiar.