Den lokale diktaren er veldig godt fornøgd med diktsamlinga, som er på rundt 90 sider og kostar 249 kr. Ho er trykt i fargar med hardcover, og er illustrert av forfattaren sjølv.
Tilbake til røttene
Kjetil har brukt både bokmål, nynorsk og dialekt i bøkene sine, og den tredje boka han gav ut er på bokmål. Då Kjetil begynte å skriva, skreiv han på alle målføre. Den første diktsamlinga inneheldt flest dialektdikt, og det er det den lokale diktaren synest er mest morosamt og givande å jobba med, så nå går han tilbake til røttene.
- Språket ligg meg nærmare og det går an å vera mykje meir leken når eg skriv på dialekt. Eg blir ikkje bunden så fast i normar og reglar då, fortel han.
Den beste til nå
Tom Gaudland i Publica Bok AS bekrefter at det er den humoristisk-tenkande Kjetil som kjem fram igjen i «Kjærleiksveven».
- Forfattaren har ein særeigen måte å leika med ordene på. I denne diktsamlinga brukar han bevisst dialekt som verkemiddel, noko som fungerer bra, seier Tom Gaudland, som slår fast at dette er den beste diktsamlinga frå Kjetil til nå.
- Diktene tar for seg ulike tema, ofte med dybde. Poeten reflekterer over livets mange fasetter på ein ærleg måte, og tar uredd tak i vanskelege problemstillingar. Dette tilfører diktene fylde, fortel Gaudland.
Kjetil brukar også bevisst sosiale medier i kommunikasjon med lesaren, og interesserte kan m.a. følga med på vegen på boklansering på lukka facebookgruppe (med over 100 medlemmer).
- Fordi dei fortener det
Diktaren har jobba med samlinga sidan november 2014. Kjetil fortel at eit dikt blir til etter kvart, og i denne boka finst det dikt som er både 5, 6 og 7 år gamle. Han starta med 124 dikt. Kjetil har redusert til 55 dikt i "Kjærleiksveven" Han gir ut diktsamlinga mest for dikta sin del.
- Eg synst dei fortener eit publikum, seier han.
Bokslepp
Det blir bokslepp på Biblioteket onsdag 23. november kl. 19:00.
Tidlegare utgitt
2006: «med små bokstavar og korte skritt»
2008: «i ord i bilder»
2011: «Svarthvitt med nyanser i grått»