– Vi ynskjer at folk som bur i området skal oppleva å få god oversikt slik at det skal vera lett å følga med, seier planleggingsleiar Henry Damman.
Portalen vil innehalda kart, video og bilder og små tekstar, og han fungerer like godt på mobil som på PC eller nettbrett.
- Vi er avhengig av god medverknad med folk som bur i planleggingsområdet. Dei kjenner området best. Prosjektet ynskjer god og open kommunikasjon og vi vil oppfattast som eit prosjekt som det er lett å ta kontakt med, seier Damman.
Informasjonsportal for E39 Bokn-Hope
Informasjonsportalen er eit tillegg til prosjektets nettsider på vegvesen.no, og dei vil utfylla kvarandre.
– Lansering av informasjonsportalen markerer at vi verkeleg er i gang med arbeidet med eit av Vestlandets mest spanande prosjekt, avsluttar Damman.