Spyling av vassleidningar

Kvart tredje år

Egil Ognøy med ein mjuk plugg som blir brukt til vasspyling. Jardar Havikbotn

For at du skal ha god kvalitet på drikkevatnet ditt, må me spyla med vatn, mjuke pluggar og reingjera hovudvassleidningane våre med jamne mellomrom. 
Spyling kan medføra at vatnet blir avstengt i periodar, og at det er redusert vasstrykk og misfarging på vatnet.

Nokre gode råd

For at spylinga skal medføra minst mogleg belastning for abonnentar har me sett saman ei liste med gode råd som bør følgjast.
•Tapp opp vatn til hushaldet på førehand, og fyll opp kar til reservevatn for toalettsisterne.
•Unngå tapping av vatn i den aktuelle perioden spylinga skjer.
•Når vassavstenginga er over, kan eventuell kaldvasskran nærmast stoppekran opnast for utspyling. 
•Reingjer silar på tappekraner, reduksjonsventil og evnt. vassmålar.
•Unngå bruk av vaske- og oppvaskmaskiner før vatnet er reint.

Kvifor må det reingjerast jamleg?

Reingjering må gjerast for å forhindra tilgroing og for å sikra god vasskvalitet ute på vassleidningsnettet til kommunen. Systematisk leidningsreingjering er eit viktig tiltak for å forbetra vasskvalitet i leidningsnettet og førebyggja episodar med misfarga vatn. 

Spylinga kan føra til trykkforandringar når spylinga føregår. Det kan også bli ein del brunt vatn hos abonnentane. Dette er partiklar som består av rust og humus (organisk stoff) som har losna i leidningsnettet. 

Leidningar med låg fart må reingjerast oftare. Målet med leidningsreingjering er å fjerna laust materiale i nettet som kan gi vasskvalitetsproblem, og å byta ut gammalt vatn i endeleidningar med lite forbruk etter at spyling er avslutta er det viktig at alle abonnentar spyler ut av den private vassleidningen sin ved å tappa vatn så nær inntaket som mogleg, til dømes utekran/kjellarkran til det kjem klart vatn.