Bokn skule er ein MOT-skule; som skal forsterka skulen si rolle som samfunnsbyggar. Gjennom utdanning, føredrag og coaching av rektor/inspektør, skulepersonale og ungdommar vil ein skapa ei felles verdiplattform og felles forståing av viktigheita med å skapa ein kultur der alle er inkluderte.
Det er ønskeleg at MOT skal bli eit styringsverktøy for livsmeistring og god psykisk helse i skulen. MOT utviklar robust ungdom og visjonen er å få eit varmare og tryggare samfunn.
Utdanning
Denne våren har både rektor og inspektør tatt leiarkurset i MOT, og førre veke blei det utdanna tre nye MOT- coachar i kommunen. Frå før har me Frans Gisle Hansen som er MOT-koordinator, men frå hausten av skal også desse tre inn på ungdomstrinnet og ha MOT-økter.
Skulens mål er at MOT skal bli meir synleg enn tidlegare og ha meir fokus på MOT's visjonar. I tillegg blir det kvart år utdanna UNG-motivatørar frå 9. klasse, og når desse startar i 10. klasse får dei og viktige arbeidsoppgåver i MOT's arbeid på skulen.
Les mer om kva MOT er og korleis ein jobbar.