Populært med is til dessert.
Jardar Havikbotn
Lærarane i småskulen valde å kjøpa pizza og is til elevane for premiepengane. Gleda i elevgruppa var stor då dei fekk servert overraskinga i gymsalen midt i veke 24.
Var med heile vegen
Med håp om å få mykje liv i toget, varsla 17. mai-komitéen om premie til beste innslag gjennom heile togruta. Med i konkurransen var barnehagen, småskulen, mellomtrinnet og ungdomsskulen. Ein «dommar» gjekk midt i toget og registrerte engasjementet, og til slutt stod det mellom småskulen og mellomtrinnet. Det som blei avgjerande var at i småskulen var alle elevane med til siste stoppestad.
Det løner seg altså å vera med heile vegen. Ein skal ikkje sjå bort i frå at konkurransen kjem att neste år.