Tv. rådgjevar teknisk og miljø, Geir Øvernes, logistikk- og avdelingsleiar i HBR, Ragnar Løfstrøm, kommunedirektør Ingeborg Skjølingstad, ordførar Egil Våge, dagleg leiar i GL Prosjektservice, Geir Egil Høvring, leiar sal og marknad i GL, Elin Tryti og brannsjef Dag Botnen.
Jardar Havikbotn
-Markeringa er eit viktig steg for å sikra eit moderne og trygt branntryggleiksanlegg for innbyggarane i Bokn, seier rådgjevar teknisk og miljø i Bokn kommune, Geir Øvernes.
Han fortel at den ca. 600 m2 nye brannstasjonen vil innehalda vognhall med verkstad, garderobar for dame og herre med rein og urein sone, vaskehall, møterom (kantine/debriefing) og trimrom.
Spisskompetanse
-Det går fram av beredskapsanalysen til Haugaland Brann og Redning IKS at Bokn skal vera den stasjonen som skal ha kompetanse ut i frå den risikoen som er i regionen, m.a. Rogfast. Dette fortel brannsjef Dag Botnen.
Ordførar Egil Våge (tv.) og dagleg leiar i GL Prosjektservice, Geir Egil Høvring har nettopp signert kontrakten.
Jardar Havikbotn
-Me ønsker å gi kompetanse på å handtera hendingar som kan skje i samband med Rogfast, seier brannsjefen, og nemner spisskompetanse innan tunneltrafikk og gasskjemikalier.
Brannsjefen kjem også inn på at Bokn brannstasjon vil ha plass til to store bilar og ein liten. Inntil vidare vil det ikkje vera to store brannbilar der.
-Men plutselig blir Bokn ein liten by, veit du, smiler Dag Botnen lurt.
Oppstart til hausten
Omega Areal
Ordførar Egil Våge er svært glad for at prosessen har kome heilt til kontraktsignering. Prosjektet har ei totalramme på 34,8 mill kr, med inkludert opsjon på komplett solcellepanel på taket.
Han fortel også at Statens vegvesen bidrar med 10 mill kr til bygging av ny brannstasjon.
-Nå gler me oss til første spadestikk i september, avsluttar ein fornøgd ordførar.
Dagleg leiar i GL Prosjektservice, Geir Egil Høvring, seier at det er sett av eit års byggetid, men reknar med at brannstasjonen er ferdig før.