Av Kjell Arne Valentinsen
Fleire bebuarar i Bokn kommune har i det siste opplevd farge på det kommunale vatnet.
Dette har to årsaker:
-
Det er den tida på året då råvatnet begynner å få omveltning, dvs. at vasslaga flyttar på seg.Dette fører til at det blir meir grums i råvatnet.
-
Filtera blir tetta raskare. Eit tett filter hindrar ikkje vatnet å strøyma gjennom, men det som skjer er at vatnet drar meir grums/humus-stoff med seg ut på nettet.
Vatnet er rensa og UV-behandla, dvs. at det er like trygt å drikka som før. Bakdelen er at det ikkje ser særleg innbydande ut.
Tiltak
-
Me har bestilt ny filtermasse og vil skifta ut denne i løpet av neste veke.
-
Me har planar om å køyra pluggar gjennom vassleidningane våre, for å fjerna smuss som har lagt seg i røyra.
Vatnet vil då bli borte i korte periodar. Det blir lagt ut informasjon når tidspunktet for rensing blir klart.
Spørsmål, kontakt underteikna.
Mvh.
Kjell Arne Valentinsen
Drifts- og Eiendomssjef