Sjølve arbeidet i tunellen skal etter planen vera ferdig i byrjinga av mai. Deretter vil det vera ein testperiode av anlegget i to månader. I denne perioden blir det i hovudsak fri ferdsel, men også sporadisk arbeid i tunellen etter behov, med dirigering.
Dette seier Asbjørn Andås i Statens vegvesen.
Framleis sjudagars arbeidsveke
For å halda oppe framdrifta, har Mesta lagt inn sjudagers arbeidsveke fram til månadsskiftet april/mai. Mesta opplyser pr. i dag at dei ligg to veker bak planen for når arbeidet er ferdig.
I utgangspunket vil det vera slutt på langstengingsperiodane når arbeidet i henget av tunellen, fresing av asfalt og legging av nytt slitelag av asfalt er ferdig.
Asbjørn Andås legg til at arbeidet, av ulike grunnar, kom seinare i gong enn det som var planlagt i utlysingsfasen. Dette er grunnen til at sluttdatoen for prosjektet er justert.
Han rår alle som nytter strekninga til å følga med på trafikkmeldinga på 175.no (trykk på varseltrekanten ved den aktuelle staden).