Kjell Arvid Svendsen var Karmøy-ordførar frå 1995 til 2011. Han sat i Karmøy kommunestyre og formannskap i heile seks periodar. 2005–2009 var han også vararepresentant på Stortinget.
Om talen hans blir framført live i Bokn, eller som digitalt opptak, er avhengig av koronasituasjonen når den nasjonale vårdagen kjem.
Leiar av årets 17. mai-komite, Lene Ognøy Foss, fortel at mykje tyder på at feiringa vil gå føre seg på same måten som i fjor. Då blir det i tilfelle gjensyn med båt- og bil/MC-tog og ikkje minst lokal tv-sending.
Meir for barna
Komiteen ønsker i år å legga meir til rette for barneaktivitetar, i samråd med kommuneoverlegen.
Me kryssar fingrane for at dette lar seg gjera, spesielt viss det blir opna meir opp i mai, avsluttar ein håpefull komiteleiar.
Kjelde: Wikipedia