Aktive Haugalandet

Kommunane og frivillige organisasjonar på Haugalandet samarbeider med Rogaland fylkeskommune om ei felles satsing på fysisk aktivitet. Ved å løfta fram gode aktivitetar og tilbod som finst, er håpet av endå fleire skal komma i gong. All aktivitet har ein helseeffekt! 

Du treng ikkje legga lista høgt, det er ikkje berre hard trening som fungerer. Litt meir aktivitet i kvardagen held. Gå turar, ta trappene, dans i stova, gå til butikken…

Derfor prøver kommunane, saman med frivillige organisasjonar og fylkeskommunen å oppmuntra til litt meir aktivitet. På Haugalandet er det fantastiske høve til å vera i aktivitet, heile året!

Om prosjektet

Dette er ein del av arbeidet vårt saman med Rogaland fylkeskommune for å løfta det interkommunale samarbeidet innan folkehelse. Saman vil kommunane jobba med å dela informasjon, løfta fram gode aktivitetar og tilbod som finst. Me ønskjer også å leggja til rette for og bidra til å skapa endå fleire gode tiltak som inspirerer til meir kvardagsaktivitet for alle.

Her kan du finne meir informasjon, inspirasjon, ressurser, eksempler og meir om korleis me jobbar med aktivitet i Bokn og kommunane på Haugalandet. 

 

Kvifor være aktiv?

Alle menneske har behov for å vera i aktivitet. Regelmessig fysisk aktivitet gir overskot i kvardagen og har mange positive effektar på både fysisk og psykisk helse.

Det er ikkje nødvendig å trena hardt på å få betra helse. Små grep i kvardagen kan ha mykje å seia. Forsking viser at sjølv lett aktivitet gir helsegevinst. For mange vil det vera  viktigare å vera litt aktiv oftare enn å gjera ei hard treningsøkt ein gong i blant. Viss ein er lite aktiv frå før, vil kvardagsaktiviteten vera viktig. Sjølv ein dagleg gåtur på nokre minutt kan verka.

Når du kjem i gong, kan du gjerne auka gradvis. Litt er bra, meir er betra. Du kan auka både aktivitetsnivået og intensiteten. Det viktigaste er at du finn noko du greier og som du trivst med.

Mange er allereie litt aktive og det er ikkje så mange minuttar ekstra i veka som skal til for mange før det bidreg til overskot og gir ein vesentleg helseforskjell.

Her kan du lese meir om å auke fysisk aktivitet i kvardagen

Kva kan eg gjere?

På Haugalandet er det fantastiske moglegheiter for å vera i aktivitet, heile året. Kommunane har ulike moglegheiter både for organiserte og eigenorganiserte tilbod. Me oppmodar deg til å prøva ut og bruka det du liker å gjera. 

Bokn kommune

Tysvær kommune

Vindafjord Kommune

Haugesund Kommune

Karmøy kommune

Utsira Kommune

Sauda Kommune

Etne Kommune

 

Lån av utstyr
  • Frilager har ski, sykkel, turutstyr og mykje meir til ei rimeleg leige som du kan bestille på deira nettside og hente i hentebod ved kyrkjebygd.  
  •  
  • Skattkammeret har gratis utlån av ulike typar ski, akebrett, stand-up paddelboard, redningsvest, sovepose, telt, sportsutstyr og mykje meir til barn og unge. opp til 25 år Dei har utlånslokasjonar i Haugesund sentrum og i Kopervik.  
Aktiv i naturen

 

 

 

Aktiv med tilrettelegging - eit tilbod til dei med nedsett funksjonsevne

Nokre gonger er det behov for litt ekstra tilrettelegging for å kunna vera i fysisk aktivitet. Det kan handla om både fysiske og psykiske barrierar. Fysisk aktivitet er like viktig og bra for helsa til alle, uavhengig av funksjonsevne eller helsetilstand. Då er det godt å vita at det finst ulike tilbod som er spesielt tilrettelagde for at det skal vera lett å vera aktiv.

Dette kan til dømes vera trim- eller turgrupper som tek spesielt omsyn til ulike grader av funksjonsnedsetjingar og aktivitetsnivå.

Her finn du oversikt over tilbod for tilrettelagt fritid i Bokn og på Haugalandet. 

 

Sjå kva me gjer

Her kan du finne tiltak som me gjer for å auke den fysiske aktiviteta for fleire. 

Gla`trimmen