Her kan foreldre, fagfolk og andre vaksne få råd og rettleiing når dei er bekymra eller berre litt usikre med tanke på barn og unge. Dette fortel fagkoordinator i Voksne for Barn, Katrine Løland.
Rådgjevinga er eit lågterskeltilbod, brukarane er anonyme og rådgjevarane, som har min. 3 års høgskule- eller universitetsutdanning i pedagogikk, psykologi eller helsefag samt relevant arbeidserfaring, har teieplikt.
Rådgjevarane har god kjennskap til det offentlege og frivillige hjelpeapparatet og hjelper innringar/innsendar med å finna fram vidare i systemet der det er nødvendig, eller det blir diskutert fram ei løysing på det som blir opplevd som vanskeleg eller eit problem.
Tysdagar kl.16.30-19 tilbyr dei også rådgjeving på polsk, litauisk og russisk.