Sju museer blir slått saman i eitt eigar- og driftsselskap. Dette er Karmsund folkemuseum, Haugesund Billedgalleri, Hiltahuset Røvær, Arquebus krigshistorisk museum, Nedstrand bygdemuseum, Vindafjordmuseet og Bokn bygdemuseum.
Museumsdirektør Mads Ramstad fortel at det nye regionmuseet skal vera blant dei fremste kysthistoriske institusjonar i landet og gi kunnskap og oppleving om kunst- og kulturhistorie. Haugalandmuseet forvaltar, forskar på og formidlar materiell og immateriell kultur og er ei viktig kompetansebedrift.
Ny logo
Logoen og den visuelle identiteten blei utforma med utgangspunkt i oppleving, levande historie og kunnskap. Logoen symboliserer mangfald, og underbygger at sju museer har blitt eitt.
Ny heimeside
Heimesida er laga for å presentera alle arrangement og aktivitetar på same stad. Heimesida gir ei god oversikt over alle avdelingane, og det er lagt vekt på grafisk utforming etter Difi’s retningslinjer.
Museet er også på Facebook.