Bokn sin gjeldande kommuneplan er frå desember 2013. Planstrategien inneber at kommunen ikkje skal føreta ei fullstendig rullering av kommuneplanen i denne kommunestyreperioden, men prioritere å bruke tid og ressursar på andre planoppgåver som er vist i planstrategien.
Dette inneber mellom anna at
-
Det skal lagast nye retningsliner for handsaming av dispensasjonssaker
-
Det skal gjerast ny vurdering av geografisk avgrensing av plankrav
-
Det skal lagast nye retningsliner for bygging av brygger og naust
-
Det skal vurderast justering og redigering av føresegnene til planen
-
Det skal utarbeidast bustadbyggeprogram som skal reviderast årleg
Kommunestyret sitt vedtak inneber også at tre bustadområde vest for Føresvik sentrum skal takast ut av planen, og at andre bustadområde utan reguleringsplan skal vurderast på ny, dersom reguleringsarbeid ikkje er sett i gong innan utgongen av 2018.
Likeeins skal bustadområde med reguleringsplan, men der byggemodning ikkje er sett i gong innan utgongen av 2017, vurderast på ny.
Vi ber om at eventuelle merknader til arbeidet med endringane vert sendt Bokn kommune Boknatunvegen 37, 5561 Bokn eller til post@bokn.kommune.no innan 15.08.2017.
Med helsing
Jan Erik Nygaard
Rådmann