I møte tysdag 14.10.2025 vedtok formannskapet å sende forslag til ny forskrift om gebyrer etter plan- og bygningsloven, eierseksjonsloven og matrikkellova ut på høyring.
Forslaget til ny gebyrforskrift er utarbeida med sikte på at kommunens lovpålagde oppgåver knytta til dei aktuelle tenestene skal finansierast i tråd med selvkostprinsippet. Det er kun sjølve teksten i ny gebyrforskrift som leggjast ut på høyring og foreslås vedteke som ny forskrift. Gebyrsatsane holdast utanfor forskrifta slik at dei kan vedtas kvert år gjennom den ordinære budsjettprosessen.
Høyringsfrista er 27. november 2025. Innspel må sendast kommunen innan høyringsfristen på e-post til post@bokn.kommune.no eller til Bokn kommune, Boknatunvegen 37, 5561 Bokn.